Հարգելի՛ այցելու

Ուրախ եմ ողջունելու Ձեզ Հայաստանի Հանրապետության կրթության եւ գիտության նախարարության էլեկտրոնային գրադարանի կայքում:

Համաշխարհայնացման անկասելի գործընթացներով պայմանավորված՝ այսօր էապես փոխ­վել են կրթական համակարգի խնդիրները մեր պետական եւ ազգային շահերի սպա­սարկման գործում: Ստեղծված իրադրության մեջ մենք պետք է վերանայենք նախկին հարա­ցույ­ցերը, վե­րա­գնահատենք առաջ­նա­հեր­թությունները, ժամանակի պահանջներին հա­մ­ար­ժեք վերա­ձեւակերպենք Հայաստանում կրթա­կան համակարգի զարգացման հայե­ցա­կար­գա­յին կան­խա­­դրույթները: Կրթության ոլոր­տում ազգային ինքնության պահպանման խնդրի լուծ­ման մեր ընտրած ճանապարհը ոչ թե լեզ­վամշակութային ինքնամեկուսացումն է, այլ մրցու­նակ, ժա­մանակին համաքայլ զար­գա­ցող կրթական համակարգ եւ համապատասխան գոր­­ծի­քա­կազմ ստեղծելը: Այդ խնդրի լուծ­մանն է կոչված նաեւ ՀՀ ԿԳ նախարարության էլեկտ­­րոնային գրադարանը, որի ստեղծման առաջնահերթ նպա­տա­կը ժամանակակից թվա­յին տեխ­նո­լո­գիա­ների եւ համացանցի ներուժի առավել լիարժեք օգտա­գործման ճանա­պար­հով  մեր կրթա­կան համակարգն առաջադեմ աշխարհում ընդուն­ված չափանիշներին համա­պա­­տաս­խա­նեց­նելն է: Իսկ այդ չափանիշներն անընդմեջ խստա­նում են՝ պահանջելով, որ առա­ջընթացն ու ինք­նակատարելագործումը դառնան մեր կրթա­կան համակարգի կեն­սա­կեր­պը: Ի տար­բե­րու­թյուն ավանդական գրքի ձեւով ստեղծված ուսում­նական գրականության՝ այս գրադարանում ներ­կայացված էլեկտրոնային ձեռ­նարկ­ներն անընդհատ զարգացման, բա­րե­լավման հնա­րա­վո­րություն են ենթադրում: Շնորհիվ ըն­թեր­ցողների հետ հետադարձ կապի մե­խանիզմների նա­խատեսման եւ մշտական փոր­ձա­գի­տա­կան վերահսկողության՝ մենք կկա­րո­ղանանք ոչ միայն օպերատիվորեն ուղղել գրքերում տեղ գտած սխալներն ու վրիպակները, այլեւ մշտա­պես կթարմացնենք եւ կբարելավենք կի­րառ­ված մանկավարժական մեթոդական հա­մա­կար­գե­րը:

Գրադարանը ստեղծվել է «Տաթեւ գիտակրթական համալիրի» հետ համատեղ եւ ներ­կա­յումս փորձարկման փուլում է: Նախատեսում ենք համատեղ ուժերով մոտ ապագայում բազ­մա­­պատկել գրադարանում ներկայացված գրքերի քանակը: Հուսով ենք, որ այս նախագիծը կար­­դարացնի մեր ակնկալիքները՝ դառնալով պետության եւ մասնավոր հատվածի արդյու­նա­­վետ փոխգործակցության լավագույն օրինակ:

 Մաղթում եմ Ձեզ հաճելի ընթերցանություն:

ՀՀ ԿԳ նախարար

Արմեն Աշոտյան